راولپنڈی اور اسلام آباد میں بارش کا امکان

  پیر‬‮ 8 فروری‬‮ 2016  |    PM  12:50:47

• 
  
• 
  
• 
  
• • 
    
  |
اسلام آباد(نیوز ڈیسک) راولپنڈی اسلام آباد میں منگل اور بدھ کو بارش کا امکان ہے۔ اس دوران گلگت بلتستان اور کشمیر میں کہیں کہیں بارش اور پہاڑوں پر برفباری کی بھی پیشگوئی کی گئی ہے۔ راولپنڈی اسلام آباد میں مطلع صاف جبکہ سردی کی شدت میں کمی واقع ہو رہی ہے ، جڑواں شہروں میں دن کے درجہ حرارت میں بتدریج اضافہ ہو رہا ہے تاہم آج اور کل بدھ کے روز راولپنڈی اسلام آباد اور مضافات میں کہیں کہیں گرج چمک کے ساتھ بارش کا امکان ہے۔ ملک کے میدانی علاقوں میں بھی دھند پڑی ، سب سے کم حد نگاہ فیصل آباد میں 20 میٹر جبکہ بہاولپور ، بہاولنگر ، ساہیوال 50 ، ٹوبہ ٹیک سنگھ 100 ، اوکاڑہ 200 ، جھنگ 500 ، ملتان 600 ، سکھر اور لاہور میں 800 میٹر تھی۔ ملک کے اکثر علاقوں میں موسم سرد اور خشک رہے گا۔ رواں ہفتے کے وسط میں شمالی بلوچستان ، خیبر پختو نخواہ ، فاٹا ، پنجاب ، گلگت بلتستان اور کشمیر میں کہیں کہیں بارش اور پہاڑوں پر برفباری کی پیشگوئی کی گئی ہے۔ متوقع بارش کے پیش نظر خطہ پوٹھوہار اور خیبر پختونخواہ کے بارانی علاقوں میں گندم ، چنا اور دالوں کی فصل پر اچھے اثرات مرتب ہونگے